तोलामा एक हजार रुपैंयाले बढ्यो सुनको मुल्य

काठमाडौं। नेपाली बजारमा साताको अन्तिम कारोबार दिन शुक्रबार सुनको मुल्य उकालो लागेको छ। नेपाल सुनचाँदी व्यवसायी महासंघका अनुसार आज सुनको मुल्य तोलामा १ हजार रुपैयाँले बढेको हो।

योसँगै छापावाल सुनको मुल्य प्रतितोला १ लाख ९ हजार २०० रुपैयाँ र तेजाबी सुनको मुल्य प्रतितोला १ लाख ८ हजार ७०० रुपैयाँ कायम भएको छ।

बिहीबार छापावाल सुनको मुल्य प्रतितोला १ लाख ८ हजार २०० रुपैयाँ र तेजाबी सुनको मुल्य प्रतितोला १ लाख ७ हजार ७०० रुपैयाँमा कारोबार भएको थियो।

आज चाँदीको मुल्य पनि तोलामा २५ रुपैयाँले बढेर १ हजार ४०० रुपैयाँ कायम भएको छ। हिजो पनि तोलामा १० रुपैयाँले बढेर चाँदी १ हजार ३७५ रुपैयाँमा किनबेच भएको थियो।