काठमाडौं । एभरेष्ट बैंकले दुई वटा ऋणपत्र जारी गर्न नेपाल धितोपत्र बोर्डबाट अनुमति पाएको छ । बैंकले ६ वर्षे अवधिको एभरेष्ट बैंक डिबेन्चर २०८५’ नाममा ऋणपत्र जारी गर्न लागेको हो ।
बैंकले २ अर्ब रुपैयाँ बराबरको २० लाख इकाई ऋणपत्र जारी गर्न अनुमति पाएको छ । यसमध्ये ८ लाख इकाई सर्वसाधारणका लागि खुला हुनेछ भने बाँकी १२ लाख इकाई संघसंस्थालाई बिक्री गरिनेछ । उक्त ऋणपत्रमा वार्षिक १०.५ प्रतिशत ब्याजदर पाइनेछ ।
त्यसैगरी, बैंकले अर्को २ अर्ब रुपैयाँ बराबरको उर्जा ऋणपत्र निष्काशन गर्न धितोपत्र बोर्डबाट अनुमति पाएको छ । बैैंकले १० बर्ष अवधिको एभरेष्ट बैंक ऋणपत्र–२०८९ नाममा ऋणपत्र जारी गर्न लागेको हो ।
बैंकले प्रतिइकाई १ हजार रुपैयाँ दरमा २० लाख इकाई ऋणपत्र बिक्री गर्न अनुमति पाएको छ । यसमध्ये ८ लाख इकाई सर्वसाधारणका लागि खुला हुनेछ । बाँकी १२ लाख इकाई संघसंस्थालाई बिक्री गरिनेछ । यस ऋणपत्रमा भने वार्षिक ५.५ प्रतिशत ब्याजदर पाइनेछ । यी दुबै ऋणपत्रमा बिक्री प्रबन्धक लक्ष्मी क्यापीटल रहेको छ।
Comment