काठमाडौं । वैदेशिक रोजगार विभागले संस्थागत श्रम स्वीकृति पुर्ण रुपमा अनलाइन प्रणालीबाट मात्र जारी हुने व्यवस्था गरेको छ । विभागले सुचना जारी गदै आगामी वैशाख २ गतेदेखि अनलाइन प्रणालीबाट मात्र संस्थागत श्रम स्वीकृति दिने निर्णय गरेको हो ।
अनलाइन प्रणालीले बैदेशिक रोजगार विभागमा हुने भिडभाड हट्न गई सेवाप्रवाहमा सुधार आएकाले उक्त कार्यलाई निरन्तरता दिदै यो व्यवस्था लागु गरेको जनाएको छ ।
कार्यालयले गत माघदेखि अनलाइन प्रणालीबाट मात्र पुनः श्रम स्वीकृति दिँदै आएको छ । पुनः श्रम स्वीकृति अनलाइन प्रणालीबाट मात्र हुन थालेसँगै दैनिक एक हजारभन्दा धेरै सेवाग्राहीले कार्यालयमा उपस्थित नभई अनलाइनबाटै सेवा लिँदै आएका छन् ।
श्रम मन्त्रालयले श्रम स्वीकृतिलाई फेसलेस, पेपरलेस र क्यासलेस बनाइ छिटो, छरितो र पारदर्शीरूपमा सेवाप्रवाह गर्न अनलाइन प्रणाली लागु गरेको बताएको छ ।
कागजात जाँच गर्न समय लाग्ने तथा कहिलेकाहीँ सर्भरको समस्या हुनसक्ने भएकाले तीन दिनअघि नै श्रम स्वीकृतिका लागि अनलाइनमा आवेदन दिनुपर्ने बताएको छ ।
Comment