अन्तर्राष्ट्रिय बजारमा कच्चा तेलको भाउ ६६ डलरमाथि « Devoted for Economic Devlopment, आर्थिक विकासको लागि समर्पित

२०८० चैत महिनामा प्रकाशित

Feature News

अन्तर्राष्ट्रिय बजारमा कच्चा तेलको भाउ ६६ डलरमाथि



अन्तरराष्ट्रिय बजारमा बुधवार कच्चा तेलको भाउ बढेर ६६ डलरमाथि उक्लिएको छ । अमेरिकाको पेट्रोल इन्भेण्टरिजमा आएको कमी र कयौं वर्षसम्मको तीव वृद्धिपछि अमेरिकी तेल उत्पादनमा कमी आउनसक्ने सङ्केतबीच तेलको भाउले टेवा पाएको हो । अमेरिकी पेट्रोलियम इन्ष्टिच्युट ९एपीआई०द्वारा मङ्गलवार सार्वजनिक तथ्याङ्कले यूएस क्रुडको सञ्चितिमा अपेक्षाकृत उच्च साप्ताहिक कमी आएको देखाएको थियो ।

एपीआईको यो प्रतिवेदनले घरेलु तेल उत्पादनमा उच्च कमी आउने र कमी अपेक्षाकृत लामो समयसम्म रहने अमेरिकी सरकारको भविष्यवाणीसँगै मेल खाएको छ । ‘तेलको भाउ ओरालो लाग्छ भन्नु अनुचित नहोला,’ लण्डनस्थित ब्रोकरेज संस्था पीभीएम आयल एशोसिएट्सका तेल विश्लेषक टमस भार्गाले भने । ‘लङ पोजिशनमा बस्नेहरूले आप्mनो पोजिशनलाई अर्को प्रतिरोध स्तरसम्म कायम राखेर नाफा आर्जन गर्ने कोशिश गर्न सक्छन्,’ अझ अगाडि उनले भनेका छन् ।

बुधवार लण्डनस्थित आईसीई फ्युचर्स एक्सचेञ्जमा यूरोपेली बेञ्चमार्क ब्रेण्ट क्रुडको भाउ १ डलर ४८ सेण्टले बढी २ हप्ताकै उच्च बिन्दु ६६ डलर ३६ सेण्टमा उक्लिएको थियो । यो समाचार तयार पार्दा नेपाली समयअनुसार साँझको साढे ४ बजे भने यो ६६ डलर २८ सेण्टमा किनबेच भएको थियो । उता, सोही अवधिमा न्यूयोर्क मर्कण्टाइल एक्सचेञ्जको कोमेक्स डिभिजनमा वेष्ट टेक्सास इण्टरमिडियटको भाउ पनि प्रतिब्यारेल १ डलर ५० सेण्टले बढी ६१ डलर ६४ सेण्ट कायम भएको थियो ।

गतहप्ता अमेरिकी कच्चा तेल सञ्चिति ६७ लाख ब्यारेलले घटी ४७ करोड ३१ लाख ब्यारेलमा आएको एपीआईको तथ्याङ्कले देखाएको छ । सो अवधिमा सञ्चितिमा १७ लाख २० हजार ब्यारेल कमी आउने विश्लेषकहरूको अपेक्षा रहेको थियो । यो हप्ता तेलको भाउले टेवा पाए पनि विश्व बजारमा अत्यधिक आपूर्तिको समस्या यथावत रहेको समयमा तेलको भाउ थप नबढ्ने विश्लेषण गरिएको छ । एजेन्सी

प्रकाशित : २८ जेष्ठ २०७२, बिहीबार १६:०८