सुनको मूल्य घट्यो, चाँदीको स्थिर

काठमाडौँ । विहीबार सुनको मूल्य घटेको छ भने चाँदीको मूल्य स्थिर रहेको छ । सुन प्रतितोला २ सय रुपैयाँ घटेको हो ।

सोमबार प्रतितोला ४ सय र मंगलबार प्रतितोला ६ सय रुपियाँ बढेको सुनको मूल्य हिजो पनि प्रतितोला ३ सय रुपैयाँ घटेको थियो । त्यस्तै २ दिन ५–५ रुपियाँ प्रतितोला बढेको चाँदीको मूल्य हिजो भने प्रतितोला ५ रुपैयाँ घटेको थियो ।

नेपाल सुनचाँदी व्यवसायी महासंघका अनुसार आजका लागि छापावाल सुनको मूल्य प्रतितोला ९० हजार ५ सय रुपैयाँ, तेजाबी सुनको मूल्य प्रतितोला ९० हजार रुपियाँ र चाँदीको मूल्य प्रतितोला १ हजार २ सय ९५ रुपैयाँ कायम गरिएको छ ।

हिजोका लागि भने छापावाल सुनको मूल्य प्रतितोला ९० हजार ७ सय रुपैयाँ, तेजाबी सुनको मूल्य प्रतितोला ९० हजार २ सय रुपियाँ र चाँदीको मूल्य प्रतितोला १ हजार २ सय ९५ रुपैयाँ कायम गरिएको थियो ।