सुनको मूल्यमा नयाँ रेकर्ड

काठमाडौं । सुनको मूल्यले नयाँ रेकर्ड कायम गरेको छ । बुधबारका लागि नेपाली बजारमा सुनको मूल्य तोलाको ९४ हजार रुपैयाँ कायम गरिएसँगै सुनको मूल्यले नयाँ रेकर्ड कायम गरेको हो ।

मंगलबार प्रतितोला ९२ हजार ५ सयमा कारोबार भएको सुन एकैदिन १५ सय रुपैयाँले बढेको हो । कोरोना पछिको लकडाउनका कारण विश्व बजारमै सुनको मूल्य उच्च रुपमा बढेको छ ।

मानिसहरुले लगानी सुरक्षित गर्न सुन होल्ड गर्न थालेपछि मूल्य उच्च रुपमा बढ्दै गएको सम्बद्ध सरोकारवालाहरु बताउँछन् । विश्व बजारमा बढेसँगै नेपाली बजारमा पनि सुनको मुल्य बढेको हो ।