सुनको मूल्य ह्वात्तै बढ्यो

काठमाडौं । बजारमा आज सुनको मूल्य तोलामा थप तीन सय रुपैयाँ बढ्दै प्रतितोला ५८ हजार रुपैयाँ माथि पुगेको छ । सुन हिजो प्रतितोला ५७ हजार ९ सय रुपैयाँमा कारोबार भएको थियो ।

आज सुन प्रतितोला ५८ हजार दुई सय रुपैयाँ मूल्यमा कारोबार भएको नेपाल सुनचाँदी व्यवसायी महासंघले जनाएको छ ।

आज सुनको मूल्य बढ्दै गर्दा चाँदीको मूल्य भने यथावत नै छ । आज पनि चाँदी प्रतितोला सात सय १५ रुपैयाँमा नै कारोबार भइरहेको छ ।

चाँदी हिजो पनि सोही मूल्यमा कारोबार भएको नेपाल सुनचाँदी व्यवसायी महासंघले जनाएको छ ।