दरबारमार्गको केएफसी पिज्जा हट बन्द

काठमाडौं। काठमाडौंस्थित दरबारमार्गमा सन्चालित केएफसी रेस्टुरेन्ट, सोही स्थानमा रहेको पिज्जा हट रेस्टुरेन्ट, तथा ब्लुबर्ड मलमा रहेको पीएचडी रेस्टुरेन्ट र केएफसी अनिश्चित समयका लागि बन्द गरिएको छ ।

यी होटलको व्यवस्थापन गर्दै आएको देवयानी इन्टरनेसनलले श्रमिकको कारण देखाउँदै होटल बन्द गरेको जनाएको हो ।

रेस्टुरेन्टमा काम गर्दै आएका श्रमिकको व्यवहारप्रति असन्तुष्टि जनाउँदै अनिश्चित समयसम्मका लागि होटलमा ताला लगाउनु परेको देवयानीले जनाएको छ ।

होटलमा १ सय ५५ जना कामदार, कर्मचारी कार्यरत रहेको जनाइएको छ । होटल व्यवस्थापकले विज्ञप्ति जारी गर्दै श्रम ऐन २०४८ को दफा ७७ (३) बमोजिम तालाबन्दी गरिएको जनाएको छ