नबिल बैंकको नयाँ हाउजिङ लोन योजना सार्वजनिक, ६.३३% ब्याजदर र ३५ वर्षसम्म कर्जा सुविधा

काठमाडौं । नबिल बैंकले घर निर्माण तथा खरिद गर्न चाहने परिवारलाई लक्षित गर्दै नयाँ Housing Loan योजना सार्वजनिक गरेको छ। बैंकले प्रस्तुत गरेको योजनामा न्यून ब्याजदर, दीर्घ कर्जा अवधि र थप सुविधा समेटिएको छ, जसले आवाससम्बन्धी लगानी गर्न चाहने ग्राहकलाई सहजता प्रदान गर्ने बैंकको दाबी छ।

बैंकका अनुसार नयाँ हाउजिङ लोन ६.३३ प्रतिशत ब्याजदर बाट सुरु हुनेछ। ग्राहकले ३५ वर्षसम्म कर्जा तिर्ने अवधि पाउनेछन्, जसले मासिक किस्ता न्यून बनाइ आर्थिक व्यवस्थापन सुगम बनाउने अपेक्षा गरिएको छ। यस योजनाअन्तर्गत प्रति लाख रुपैयाँमा मासिक EMI रु. ५९३ बाट सुरु हुनेछ।

नबिल बैंकले हाउजिङ लोनसहित लाइफटाइम–फ्री क्रेडिट कार्ड जस्ता अतिरिक्त सुविधाहरू पनि उपलब्ध गराउने जनाएको छ। बैंकका प्रतिनिधिहरूका अनुसार यो योजना “सिक्योर्ड र कम्फर्टेबल फ्युचर” निर्माणमा सहयोग पुर्‍याउने उद्देश्यले तयार गरिएको हो।

नेपालमा बढ्दो आवास मूल्य, कर्जा प्रतिस्पर्धा तथा मध्यमआय वर्गका परिवारको दीर्घकालीन आवासीय आवश्यकता बढ्दै गएको समयमा नबिल बैंकको यो योजना बजारमा आकर्षक प्रस्ताव बन्न सक्ने बैंकको विश्वास छ।

बैंकले जारी गरेको विज्ञापनमा आवासीय कर्जालाई केवल आर्थिक व्यवहार नभई स्थायित्व, सुरक्षा र परिवारको भविष्य निर्माणसँग जोडिएको निर्णय का रूपमा चित्रण गरिएको छ। नबिल बैंकले घर किन्नु वा निर्माण गर्नु नेपाली परिवारको प्रमुख सपना भएकाले नयाँ योजनाले त्यो सपना पूरा गर्न सहज वातावरण बनाउने बताएको छ।

To know more, please visit https://www.nabilbank.com/…/individual-loans/housing-loan