अनार र यौन स्वास्थ्यबीचको सम्बन्ध

काठमाडौं– हालै बेलायतमा गरिएको एक अनुसन्धानले अनारको जुसले पुरुष तथा महिलाको यौन स्वास्थ्यमा सकारात्मक प्रभाव पार्ने देखाएको छ। अनारजस्ता सामान्य फलफूलमा पाइने प्राकृतिक तत्वहरूले यौन इच्छा र क्षमता दुवैमा वृद्धि हुने तथ्य सार्वजनिक भएको हो।

एडिनबर्गस्थित क्वीन मार्गरेट विश्वविद्यालयका अनुसन्धानकर्ताहरूले २१ देखि ६४ वर्ष उमेर समूहका पुरुष तथा महिलामाथि १५ दिनसम्म दैनिक एक गिलास अनारको जुस सेवन गराएर अध्ययन गरेका थिए।

अनुसन्धानको क्रममा सहभागीहरूको शरीरमा टेस्टोस्टेरोन हार्मोनको स्तरमा उल्लेख्य वृद्धि देखिएको थियो। प्रारम्भिक परीक्षण अनुसार, टेस्टोस्टेरोनको स्तर औसतमा १६ प्रतिशतदेखि ३० प्रतिशतसम्म बढेको पाइएको थियो।

अनार र यौन स्वास्थ्यबीचको सम्बन्ध

टेस्टोस्टेरोन हार्मोन पुरुष तथा महिलाको यौन इच्छा र व्यवहारसँग गहिरो रूपमा सम्बन्धित हुन्छ। पुरुषमा यो हार्मोनले स्वर परिवर्तन, दाह्री–जुँगा आउनु, शारीरिक उर्जा वृद्धि जस्ता परिवर्तन ल्याउँछ भने महिलामा स्तनविकास, डिंबासयको क्रियाशीलता र यौन इच्छामा वृद्धि ल्याउँछ।

वैज्ञानिकहरूका अनुसार, अनारको जुसमा पाइने एन्टिअक्सिडेन्ट र बायोएक्टिभ तत्वहरूले शरीरमा रक्तसञ्चार सुधार गर्ने, तनाव कम गर्ने र हर्मोनको सन्तुलन कायम राख्न सहयोग गर्छ। यसैले नियमित रूपमा अनारको जुस सेवन गर्दा यौन क्षमतामा सुधार आउनु स्वाभाविक भएको उनीहरू बताउँछन्।

के भनिन् अनुसन्धान टोलीले?

अनुसन्धान टोलीका अनुसार अनारको जुस सेवनले यौन स्वास्थ्यमा सकारात्मक प्रभाव मात्र होइन, आत्मविश्वास र समग्र मानसिक सन्तुलनमा पनि सुधार देखिएको हो।

“हामीले अध्ययनमा सहभागी सबै व्यक्तिमा टेस्टोस्टेरोनको स्तरमा वृद्धिसँगै उनीहरूको यौन इच्छा र ऊर्जा वृद्धि भएको देख्यौँ,” अनुसन्धानमा संलग्न एक शोधकर्ताले भने।

स्वस्थ यौन जीवनको लागि प्राकृतिक विकल्प

अनारजस्ता फलफूल प्रयोग गरेर यौन स्वास्थ्यमा सुधार ल्याउन सकिन्छ भन्ने कुरा यस अनुसन्धानले पुष्टि गरेको छ। विशेषज्ञहरूका अनुसार रासायनिक औषधिहरूको सट्टा प्राकृतिक उपायहरू छनोट गर्नु दीर्घकालीन रूपमा सुरक्षित र प्रभावकारी हुन सक्छ।

तर, कुनै पनि स्वास्थ्य समस्या दीर्घकालीन वा गम्भीर देखिएमा चिकित्सकको सल्लाह लिनु सबैभन्दा उपयुक्त उपाय हो।