गभर्नर नियुक्तिको मुखैमा मापदण्ड संशोधन

काठमाडौ । अर्थ मन्त्रालयले अर्थ मन्त्रालयसम्बद्ध सार्वजनिक निकायका पदाधिकारी तथा सदस्यको नियुक्ति र मनोनयनसम्बन्धी मापदण्ड, २०७३ संशोधन गरेको छ।

नेपाल राष्ट्र बैंकको गभर्नर नियुक्तिको अन्तिम प्रहरमा मन्त्रिपरिषद् बैठक सुरु गर्नासाथ अर्थ मन्त्रालयले संशोसोधित नियुक्तिसम्बन्धी मापदण्ड सार्वजनिक गरेको हो।

अर्थ सम्बद्ध सार्वजनिक निकायमा नेपाल राष्ट्र बैंक पनि पर्छ । राष्ट्र बैंकमा गभर्नर खाली हुँदैछ । अहिलेका गभर्नर महाप्रसाद अधिकारीको कार्यकाल यही चैत्रमा सकिदैछ ।

सरकारले नेपाल राष्ट्र बैंकमा नयाँ गभर्नर नियुक्त गर्न सिफारिस समितिसमेत गठन गरिसकेको छ । गभर्नर नियुक्तिको मुखैमा मापदण्ड संशोधन गर्नुलाई अर्थपूर्णरुपमा हेरिएको छ ।