बैंकका कुनै पनि निक्षेपकर्ताले नोक्सानी व्यहोर्नु पर्दैनः गभर्नर

काठमाडौं । नेपाल राष्ट्र बैंकका गभर्ननर महाप्रसाद अधिकारीले कुनैपनि निक्षेपकर्ता रकम डुब्न नदिने बताए ।

राष्ट्रिय वाणिज्य बैंकको ५०औं वार्षिकोत्सवलाई सम्वोधन गर्दै गभर्नर अधिकारीले यस्तो बताएका हुन् । बैंक तथा वित्तीय संस्थामा कहिलेकाँही समस्या आउनु स्वभाविक भएको उनको भनाई छ ।

तर, त्यस्ता समस्या आएको खण्डमा राष्ट्र बैंकले नियमन गरिरहेको बताए । अहिले बैंकहरु समस्यामा छन् भनेर अफवाह फैलाउने काम भइरेहको बताए । तर, हल्लाको पछि नलाग्न समेत अनुरोध गरेका छन् । ‘कुनै बैंक तथा वित्तीय संस्थामा समस्या भयो भने राष्ट्र बैंकले समाधान गर्छ । तर, हल्लाको पछि लाग्नु हुँदैन । कुनै पनि निक्षेपकर्ताले नोक्सानी व्यहोर्नु पर्दैन’, गभर्नर अधिकारीले भने ।

बैंकका प्रमुख कार्यकारी अधिकृत देवेन्द्ररमण खनालले नवीन सोच र सङ्कल्पका साथ रावा बैंक आजको प्रतिस्पर्धी बजारमा आफूलाई अब्बल सावित गर्न सफल भएको बताए । उनले खराब कर्जाको व्यवस्थापन, मानव संशाधन, ग्राहक सेवा, कर्जाको गुणस्तर, संस्थागत सुशासन, आन्तरिक नियन्त्रण प्रणाली, जोखिम व्यवस्थापन, नियामकीय निर्देशनको पालनालगायत क्षेत्रमा बैंकले सुधार गर्दै लगिरहेको बताए ।