भूकम्पबाट ५३ जनाकाे मृत्यु , ३८ घाइते

काठमाडौं । चीनको तिब्बतस्थित सिगात्से सहरमा मंगलबार बिहान गएको शक्तिशाली भूकम्पबाट ज्यान गुमाउनेको संख्या ५३ पुगेको छ। भूकम्पबाट ३८ जना घाइते भएका छन्।

आज बिहान नेपाली समयअनुसार ६ः५० मिनेटमा सिगात्सेमा ७.१ म्याग्नेच्युटको भूकम्प गएको थियो। त्यसअघि अमेरिकी भूवैज्ञानिक सर्भे (यूएसजीए)ले भूकम्पको केन्द्रविन्दु नेपालको लोबुचे इलाका रहेको जनाएको थियो।

यूएसजीएका अनुसार नेपालको खुम्बु क्षेत्रमा पनि ४.८ म्याग्नेच्युटभन्दा बढीको ४ वटा भूकम्पको झट्का गएको छ।चिनियाँ सरकारी च्यानल सीसीटीभीका अनुसार सिगात्से सहमार ६.९ म्याग्नेच्युटको भूकम्प गएको दाबी गरिएको छ।